[center]برافو عليك
برافو عرفت تلعبها .. و مرة فــ مرة هاتعلم
أخش اللعبة و اكسبها .. ولا هاضعف ولا أتألم
ما هي الأيام دي دوارة .. و فيها كمان حاجات ياما
يومين مكسب علي خسارة .. و يوم نغرق فــ دوامة
و بحرك لما غرّقني .. عشقت الدنيا بصراحة
فـ بُعدك كنت باتعذب .. و جنبك بابقي مرتاحة
و اتاري الحلم طال وقته .. و اديني صحيت
سرقني الوقت و سرقته .. و فجأة لقيت
لقيت الحلم كان كدبة .. و وهم كبير ما كملتوش
و اتاري الحب كان لعبة .. رهان خسران و ماكسبتوش
برافـــــــــــ عليك ـــــــــــو
برافو عرفت تكسرني .. لعبت اللعبة بمهارة
فاكرني لما هتسيبني .. هاحس بغربة و خسارة
ده لسه اللعب في بدايته .. و انا خدت القرار ألعب
ده انا تلميذة للأستاذ .. و هارمي الزهر يوم و اكسب
و يومها هابتسم تاني .. و هانسي الجرح و الأحزان
و أقول للدنيا .. وحشانى .. و اضم الفرح بالاحضان
برافـــــــــــــ عليك ـــــــــــو
برافو ... بجد ملعوبة .. و اتاري الحب أصله رهان
دخلت اللعبة مغلوبة .. و مين مـ اللحظة دي الخسران ؟!!
برافـــــــــــــــ عليك ــــــــــــــو[/center]