مين قال لك
انا لسه بحبك
او بموت في هواك؟؟
يا بايع حبي والماضي
اتعودت خلاص انساك
***********
مين قال لك انه غرامك
عايش دلوقت في قلبي
مين قال لك انك في خيالي؟
او سيرتك دايما على بالي؟
صدقني خلاص
قلبي من حبك خالي
وبتسأل؟؟
يا بجاحتك!!
***********
مين قال لك
انا لسه بحبك؟؟
او اني بموت في هواك
يا جارح قلبي ومعذبني
يا بايع حبي وتعبني
اوعى تفكر انه القلب بغيرك
مش ح يحب ومش ح يعيش
اوعك تحسب انه القلب بغيرك
مش راح ينبض بغرام جديد
اوعى تفكر بعد عذابك
قلبي الطيب خالي او زعلان
بحلفلك بليالي خيانتك
وبرحلة غدرك ووقاحتك
انا لسه بحب ومش حيرانة
انا لسه العاشقة الولهانة
انا لسه في قلبي بكتب
شعر الهايم والهيمان
لكن مش بعشق سحر عينيك
ولا هايم في غرامك
او ملك ايديك
************
مين قال لك
انا لسه بحبك
او اني بموت في هواك؟؟
كل ما بدر الليل بيطلع
او شمس الصبح بتقشع
انا عايشة بغرام جديد
انا عاشقة اللي عاشقني
وفي عيونه وقلبه مسكني
انا عاشقة اللي وفالي
وما بنامش الليل علشاني
انا زي الشمس اللي تغمض
في الليل عيونها
وبتطلع كل صباح
بشعاع جديد
مين قال لك انا لسه بحبك
موضوع: ميـــــــــن قال اني لسه بحبك 
الخميس يونيو 12, 2008 6:39 pm
